Spinner

Projeitu Suai

Projetu Suai, Timor-Leste

Projetu ne’e parte husi programa Ministerio Rekursu Naturais nian. Objeitivu husi projetu ne’e mak hari’i uma ba populasaun local sira iha area Lahorai, Suai ne’ebé afetadu husi projeitu espansaun aeroportu SUAI.

Projeitu ne’e inklui dezenvolvimentu uma 72 iha area refere. Entre uma hirak ne’e, iha balun kuartu rua, tolu no haat tuir intrusaun husi projeito nain. Konseptu harrii uma ne mak usa tijolu kesi ne’ebé sei harri uma hirak ne’e lori material lokal no mos sei usa ema local sira hodi halao servisu. Ho nune’e it abele usa ho diak rekursu lokal iha rai laran no hamenus depensia ba iha material importu sira.

Aleinde uma foun, CHLI sei mós kumpri programa formasaun ba traballador lokal, ne’ebé fó oportunidade trainementu servisu ba traballadór sira ne’ebé ladún iha skill.

Sistema uza materiál konstrusaun lokál ne’ebé sustentável, sei fó-servisu ba populasaun lokal sira hodi hamenus numeru desempregadu. Estimasaun hamutuk besik traballador 300 husi populasaun lokal sei servisu ba tempu tomak projetu nian. Maioria husi sira mos sei simu sertifikadu, formasaun no empregu iha durasaun projetu ne’e. Programa formasaun ida-ne’e sei iha impaktu boot no sei fo kontribuisaun signifikante ba kresimentu ekonomia lokál.

 

CHLI sei serbisu kolaborativamente ho E.P. TimorGap ne’ebé fó uma ba família sira ne’ebé afetadu no kumpri treinamentu ba membru komunidade, permiti sira atu partisipa iha konstrusaun uma ne’e.

Liu husi projetu ne’e CHLI nia objetivu mak atu kontribui ba estabelesimentu indústria konstrusaun lokál ida hosi populasaun lokál nian ne’ebé hetan formasaun adekuadu atu halau servisu konstrusaun ne’e.

Iha dia 8 de Fevereiro 2016, CHL complete ona premeiru etapa hodi harrii uma 25 no entrega offisialmente ba TIMORGAP no hafoin entrega ba komunidades iha tempo hanesan. Komunidade sira kontente tebes tamba uma nee iha kondisaun no kualidade ne’ebé diak.

Iha segundu etapa, CHL sei harii tan uma 47 atu kompleta projeitu uma 72 ne’e. Eskavasaun hahuu ona ba uma 32 ho detailha uma 26 quartu toba 3 no uma 6 kuartu toba 4. Servisu hadaa alsersi ba uma 15 seluk kompleta ona. Atu halao servisu ne’e efeitivu liu, ami fahe servisu nain sira ba grupu-grupu. Grupu ida iha ema nain 10 no sira responsavel atu halo uma 5.

Tuir planu original, projeitu ne’e sei remata no entrega ba iha governu iha fulan Outubro 2016.