Spinner

Iha Timor-Leste

Community Housing Ltd estabelese nia operasaun iha Timor-Leste iha 2004 fornese advokasia ba uma no fo konsellu polítika atu fó apoiu ba Governu Timor Leste atu dezenvolve programa ne’ebé sei ajuda populasau tmba kuaze 80% husi populasaun sei presiza uma ne’ebe diak.

CHL mós halo konsepsaun no konstrusaun ba uma; formasaun no fo empregu iha area konstrusaun ba dezempregu sir aba tempu naruk nia laran, dezenvolve projetu konstrusaun ne’ebé fornese infra-estrutura esensiál ba komunidade.

CHL dezempeña papél ida ne’ebé importante tebes hodi fó oportunidade treinamentu servisu nian ba traballadór hotu-hotu ne’ebé ladún iha skill. CHL hetan ona rekoñesimentu hanesan katalizadór iha merkadu komérsiu profisionál ne’ebé kualifikadu. CHL mos sai hanesan jagodor prinsipál ida iha haburas no investe jerasaun foun traballadóres sira iha are konstrusaun iha Timor-Leste.

 

Ami nia -nia Objetivu iha Timor-Leste mak:

  • Harii uma hodi hadi’a kualidade moris ba grupu alvu
  • Introdús uma ne’ebé dura, modernu no kustu ladún karu tuir tipu ne’ebé par ho Timor-Leste nia kondisaun
  • Fornese estájiu atu ema sira nebe hetan opportunidade asesu ba formasaun atu hasae sira nia abilidade iha area konstrusaun
  • Fornese servisu hodi tulun empregu sira hetan rendimentu

Ba objetivu hirak ne’e CHL buka atu hametin servisu ho ninia parseria Governu Republica Democratica De Timor Leste (RDTL), parseiru internasionál no nasionál sira atu halo kontribuisaun ne’ebé klaru hodi dezenvolve nasaun foun Timor Leste hanesan nasaun foun ida iha Ázia.